القرآن قال «لازم ألتزم دينياً»| المطربة زيزي عادل تعتزل الغناء نهائيا

أعلنت الفنانة زيزى عادل، اعتزال مهنة الغناء نهائياً، مؤكدة أن ذلك القرار نبع من داخلها بعد تفكير عميق، ودعم من بعض الأشخاص المحيطين بها.

ونشرت زيزى عادل فيديو عبر حسابها الشخصى على موقع تداول الصور والفيديوهات «إنستجرام»، وقالت خلاله:«أنا النهاردة طالعة أقول خبر مهم أخدته في حياتى وهو قرار اعتزالى».

وأضافت زيزى عادل: «قررت أسيب مهنة المطربة والقرار أنا مخدتهوش امبارح أنا وخداه من فترة كبيرة جدا، بس يمكن مطلعتش قلت وقتها لأنى كنت حابة أتكلم مع نفسى ومع الناس القريبة أوى، الناس القريبة منى عارفين نفسهم ولما قلتلهم على القرار شجعونى ودعمونى كمان، ويمكن قرار الاعتزال ده بيبعدنى عن أكتر مغريات الحياة وهى الشهرة والأضواء».

وتباعت: «أنا ببعد عن الفن عشان بقرب من ربنا، والفترة اللى فاتت قربت من ربنا جدا، ولقيت ان القرآن بيقولى إنى لازم أكون ست ملتزمة دينياً، وبحاول على قد ما بقدر أكون ملتزمة وهتستغربوا شوية انى طالعة بشعرى ومش محجبة، ويمكن ده لأنى لسه ربنا لم ينعم عليا بالحجاب، وبدعى ربنا يتممها عليا، وكل حاجة بتيجى خطوة خطوة ومفيش حاجة بتيجى مرة واحدة».

وأشارت في الختام، إلى أن الفن مصدر دخلها قائلة: «أنا عاوزة أقول كمان الفن هو مصدر دخلى ورزقى، وأنا بسيب حاجة بعيش منها وسيبتها وعارفة إن ربنا هيرزقنى باللي أفضل منها، وأنا راضية جدا عن قرارى ومبسوطة جدا بيه وحابة اللى جاى جدا وحاسة إن حياتى اختلفت تماما».

وأضافت: “يمكن لما أخدت القرار تعرضت لمواقف واللى تسمى اختبار من ربنا وكان اختبار صعب والإنسان ضعيف، لأن جالى عرض مجاليش وأنا بمارس مهنة الغناء، ولكن الحمد لله ربنا كرمنا وقدرت ارفض من دعم من ناس حواليا”.

وتابعت: “أنا مش عاوزة أدخل في حتة إن الفن حلال والفن حرام، عشان مبقاش طالعة إنى داعية أنا طالعة بتكلم عن نفسى، وإنى بطلت أغنى ودينى بيقولى كده وكل واحد حر في حياته”.

واختتمت حديثها: “أنا حابة أموت وربنا راضى عنى ويمكن دى حاجة كلنا بنتمناها، فأنا مش عارفة هاموت امتى ولكن كل اللى عوزاه أكون مستعدة لمقابلة ربنا وأقابله وأنا راضية عن نفسى وحياتى وأفعالى، والحمد لله ربنا كرمنى والتزمت، وربنا يكرم التزم اكتر وادعولى ان ربنا يثبتنى على اللى انا فيه”.

يذكر أن آخر إطروحات زيزي عادل الفنية ألبوم ديني بعنون «سيبها على الله»، عبر قناتها الرسمية بوقع الفيديوهات العالمي «يوتيوب».

أقرأ ايضاً – أسر وداوود فى صدام بسبب الممرضات| تفاصيل الحلقة17 من «سوتس بالعربي»