الرابع مكرر علمي رياضة: “كنت بصحى أذاكر من الفجر وأهلي لم يضغطوا عليا”

أعرب مروان سمير، الرابع مكرر علمي رياضة الأول في الثانوية العامة على محافظة القاهرة، عن سعادته بحصوله على المركز الرابع ضمن أوائل الثانوية العامة.

وقال “سمير” في حواره ببرنامج “آخر النهار” المذاع على فضائية “النهار”: “كنت بصحى أذاكر من الفجر عشان أتفوق وأهلي لم يضغطوا عليا للحصول على نتيجة تؤدي لوصولي لأوائل الثانوية العامة”.

نصيحة الثاني علمي علوم

وفي ذات السياق وجه إسلام فتحي، الثاني علمي علوم على مستوى الجمهورية، نصيحة لطلبة الثانوية العامة قبل بداية العام الدراسي الجديد.

وقال “فتحي” في اتصال هاتفي بذات البرنامج “نصيحتي للطلاب أن لا يتوتر على مدار العام وأن يؤدي ما عليه، لا تتوتر واعمل اللي عليك واللي يريح ضميرك والباقي كله على ربنا طول ما أنت عملت اللي عليك لن تندم وتعمل اللي عليك بس”.

التركيز على الهدف 

وتابع “مكنتش بعد عدد ساعات المذاكرة ولكن كنت بحدد درس أو درسين في اليوم وممكن يكون المتوسط من 5 إلى 6 ساعات وكنت بركز أكثر على الحل”.

واستطرد الثاني علمي علوم على مستوى الجمهورية “كنت مخطط من قبل ثانوي إني أدخل كلية الطب وركزت على الهدف وربنا وفقني بعد ما عملت اللي عليا”.